News and Article

عبدالغفارصدیقی ہمارے وزیر اعظم کا حالیہ دورہ اسرائیل سرخیوں میں ہے۔ وہاں جا کر جس انداز میں انہوں نے اپنے جذبات کا اظہار کیا، وہ موضوعِ گفتگو بن چکا ہے۔ اسرائیل کو‘‘فادر لینڈ’’کہنا ایک ایسا جملہ ہے جس نے بہت سے ذہنوں میں سوالات پیدا کیے ہیں۔ اس تعبیر کی اصل معنویت اور اس کے پس منظر کی وضاحت یقیناً خود وزیر اعظم ہی بہتر طور پر کر سکتے ہیں کہ وہ اسرائیل کو کس نسبت اور کس رشتے سے یہ مقام دے رہے تھے۔ انہوں نے یہ بھی فرمایا کہ وہ اسی دن پیدا ہوئے تھے جس دن بھارت نے اسرائیل کو تسلیم کیا تھا۔ اس تقارن کو انہوں نے ایک علامتی نسبت کے طور پر پیش کیا، حالانکہ اس دن دنیا کے مختلف حصوں میں بے شمار بچے پیدا ہوئے ہوں گے۔ اس ذاتی نسبت کو قومی تعلق سے جوڑنے کی معنویت کیا ہے، یہ بھی ایک قابلِ غور سوال ہے۔ تقریر کے دوران قدیم روابط، مذہبی حوالہ جات، حتیٰ کہ ہندو مذہبی متون میں اسرائیل کے تذکروں کا ذکر کیا گیا۔ ہنوکا اور دیوالی کا تقابل کرتے ہوئے ثقافتی یک رنگی کا تصور پیش کیا گیا اور دونوں قوموں کو تاریخی رشتوں میں بندھا ہوا دکھانے کی کوشش کی گئی۔ اسی موقع پر حماس کے حملے میں مارے گئے اسرائیلیوں کے لیے ت...

ندیم عبدالقدیر ہمارے ملک کا میڈیا مودی کے بعد اگر کسی کے آگے پوری طرح سربسجود ہے تو وہ یوگی آدتیہ ناتھ ہیں۔ اب یہی دیکھئے کہ ملک کے  نیشنل میڈیا   نے  یوگی حکومت کو اترپردیش کی اب تک کی سب سے بہترین حکومت بتانے میں پوری طاقت جھونک رکھیہے۔یوگی حکومت کی تعریف میں میڈیااعدادو شمار کو کس طرح پیش کرتا ہے، اسے سمجھئے۔ سرکار ہر سال تمام ریاستوں کی جی ڈی پی کی رپورٹ جاری کرتی ہے۔  حال ہی میںسال  ۲۰۲۵ء کی یہ رپورٹ جاری ہوئی۔ اس رپورٹ کو نیشنل میڈیا  نے اس طرح پیش کیا کہ’جی ڈی پی‘  کے معاملے میں اترپردیش نے کرناٹک کو پچھاڑ دیا۔  اب یہ بات ہے تو بالکل سچ کہ جی ڈی پی کے معاملے میں اترپردیش ۲۰۲۵ء میں کرناٹک سے آگے نکل گیا، لیکن یہ آدھا سچ ہے۔ پورا سچ ہم آپ کو بتاتےہیں، لیکن اس سے پہلے یہ سمجھ لیجئے کہ نیشنل میڈیا کی  ایسی  ہی خبریں  ’آئی ٹی ‘ سیل کے ذریعے سوشل میڈیا پر آتیہیں ۔لوگ اسے سچ سمجھتےہیں کیونکہ اس میں سرکار کی رپورٹ کا حوالہ بھی ہوتا ہے ۔ اسی کا نتیجہ ہے کہ آج ملک میں یہ تاثر تقریباً عام ہے کہ اس وقت ملک میں سب سے بڑی’ جی ...

عبدالغفار صدیقی زکوٰۃ اسلام کا اہم رکن ہے۔اللہ تعالیٰ نے جس طرح مسلمانوں پر نماز فرض کی ہے اسی طرح اس نے زکوٰۃفرض کی ہے۔جس طرح نماز کا منکر دائرہ اسلام سے خارج ہے اسی طرح زکوٰۃکا منکر بھی مسلمان نہیں۔بعض مفسرین نے نماز سے اللہ کے حقوق اور زکوٰۃسے بندوں کے حقوق مراد لیے ہیں۔بعض کے نزدیک نماز بدنی عبادت ہے اور زکوٰۃمالی عبادت ہے۔زکوٰۃ چونکہ مال پر ہے اس لیے کہا جاسکتا ہے کہ زکوٰۃکا تعلق اسلامی معاشیات سے ہے۔اللہ نے زکوٰۃاس لیے فرض کی تھی کہ مسلمانوں میں غربت نہ رہے۔مگر برصغیر کے مسلمانوں کی بدقسمتی ہے کہ سینکڑوں برس سے زکوٰۃنکالنے اور دینے کے باوجود ہر سال غربت میں اضافہ ہو رہا ہے۔ زکوٰۃ کے تعلق سے احادیث میں بہت سی ہدایات دی گئی ہیں ان میں سے ایک حدیث کے الفاظ یہ ہیں۔’’اللہ نے ان کے اموال میں زکاہ فرض کی ہے جو ان کے مالداروں سے لی جائے گی اور ان کے غریبوں پر خرچ کی جائے گی۔‘‘(متفق علیہ) درج بالا ہدایت نبی اکرم صلی اللہ علیہ وسلم نے حضرت معاذ بن جبل ؓ  کو اس وقت فرمائی تھی جب انھیں آپ یمن کا گورنر بناکر رخصت کررہے تھے۔ جہاں تک مصارف زکوٰۃاور مستحقین کا تعلق ہے وہ قرآن مجید میں صاف ...

مفتی اشفاق قاضی یہ تحریر جو پیش کی جارہی ہے یہ کوئی کہانی نہیں،  نہ کسی کتاب کا باب، نہ کسی واعظ کی نصیحت اور نہ ہی کسی مثالی خاندان کا تراشا ہوا خاکہ، بلکہ ایک زندہ خاندان کی حقیقت ہے ، ایسی حقیقت جس میں اگر ایک لمحے کے لیے بھی نیت خراب ہوجاتی، اگر ایک لفظ لہجے سے سخت ہوجاتا، اگر ایک بھائی ’میرا‘کہہ کر ٹھہر جاتا اور ’تیرا‘ماننے سے انکار کردیتا، تو یہاں چار بھائی چار راستوں پر نہیں بلکہ چار دشمنوں کی طرح ایک دوسرے کے سامنے کھڑے ہوتے، عبدالعظیم، عبدالرحیم، عبدالخالق اور عبدالرحمن(فرضی نام) چار بھائی جنہوں نے آنکھ کھولی تو ایک ہی صحن دیکھا، ایک ہی دسترخوان پر کھانا کھایا، ایک ہی باپ کی شفقت میں پرورش پائی اور جوان ہوئے تو ایک ہی خواب کے ساتھ محنت کی، والد کے ساتھ اسی کے گھر میں رہتے ہوئے کاروبار شروع کیا، پسینہ بہایا، ایک دوسرے کا ہاتھ تھاما، اور اللہ تعالیٰ نے ایسی برکت عطا فرمائی کہ دکان ایک سے دو ہوئی، دو سے تین ہوئی، اور پھر وسعت آئی تو الگ الگ جائیدادیں بھی خریدی گئیں،مگر اس سب کے باوجود دل الگ نہیں ہوئے، حساب زبان پر نہیں آیا اور کسی کے ذہن میں یہ خیال پیدا نہیں ہوا کہ یہ می...

سلطان صدیقی طیارہ حادثہ میں پائلٹ سوراج دیپ کی موت سے ان کا پریوار ابھی تک صدمہ سے نہیں نکل سکا۔انہوں نے بیٹے کے لئے بہت سے خواب دیکھے تھے ان میں اس کی شادی بھی شامل تھی ۔لیکن تین ماہ بیٹا اور 20 ماہ پہلے ہوئی شادی کے بعد بنا چھوٹا پریوار بکھر گیا ۔حادثہ سے کچھ گھنٹے پہلے انہوں نے گھر پر فون کر رانچی سے دہلی کی اڑان کی جانکاری دی تھی کہا تھا کہ لینڈنگ کے بعد وہ دوبارہ بات کرے گا لیکن ہوائی حادثہ کی خبریں ٹی وی پر جیسے ہی چلیں اور جہاز کمپنی کی جانب سے بذریعہ ای میل طیارہ حادثہ کی موت کی تصدیق نے پورے گھر میں کہرام مچا دیا ۔اس وقت سب سے بڑا سوال ہے کہ اڑتے جہاز تابوت میں کیوں بدل رہے ہیں۔ اب جھارکھنڈ کے چترا میں ایئر ایمبولینس کریش میں 7 لوگوں کی جان چلی گئی ۔چاہے مسافر طیارہ ہو یا پرائیویٹ جیٹ ہو یا پھر ایئر ایمبولینس ہو لیکن دردناک خاتمہ ایک جیسا ہی ہے ۔جن میں یہ سوال پیدا ضرورہوتا ہے کہ کیا ہوائی سفر کی راہ بہت خطرے بھری ہے یاپھر کمپنیوں کا سیکورٹی کمی سے سمجھوتہ کرنا ایسے حادثوں کی بڑی وجہ بنتا ہے آخر اس کریش کے پیچھے چونکانے والی سچائی کیا ہے اس کا پتہ چلنا چاہیے ۔تازہ حادثہ میں ا...

نئی دہلی :قومی کونسل برائے فروغِ اردو زبان کے زیر اہتمام عالمی اردو کانفرنس بہ عنوان 'کثیر لسانی ہندوستان میں اردو زبان و تہذیب' کے موضوع پرآج تین تکنیکی سیشنز منعقد ہوئے ۔  جاری ریلیز کے مطابق پہلے تکنیکی سیشن میں بہ حیثیت صدور پروفیسر امتیاز حسنین اور پروفیسر چندر شیکھر شامل ہوئے ، جب کہ محترم جانکی پرساد شرما، پروفیسر محمد قطب الدین، پروفیسر رضوان احمد، ڈاکٹر کے پی شمس الدین اور فیروز احمد بحیثیت مقالہ نگار شریک ہوئے ۔اس سیشن کی نظامت ڈاکٹر عبدالرزاق زیادی نے کی۔  پروفیسر امتیاز حسنین نے اپنی صدارتی تقریر میں کہا کہ جنون نے ہی اردو کو کوسمو پولیٹن زبان بنایا۔ اردو نے دیگر زبانوں پر اپنے اثرات مرتب کیے اور ان کے مصنّفین نے دیگر زبانوں اور تہذیبوں کو بھی متاثر کیا۔ بالخصوص شبلی کی 'شعرالعجم'اور سید سلیمان ندوی کی تصانیف گہرے طور پر اثرانداز ہوئیں۔ انھوں نے سیشن کے تمام مقالوں پر گفتگو کرتے ہوئے خوشی کا اظہار کیا اور ترجمہ پر زور دیتے ہوئے اس کو موجودہ وقت کی اہم ضرورت قرار دیا۔  پروفیسر چندر شیکھر نے صدارتی تقریر میں زبان و ادب کے مابین رشتے پر گفتگو کی۔انھوں نے کہا کہ...

 ڈاکٹر شہباز حسیبی ذرا تصور کیجیے کہ آپ جان بوجھ کر اپنے جسم کو بھوکا رکھتے ہیں… اور جسم اس کے بدلے میں آپ کا شکر گزار ہوکر خود کو صاف ستھرا کرنے والی مشین میں تبدیل ہوجاتی ہے! یہی رمضان المبارک کا کمال ہے، جب دنیا بھر میں کروڑوں مسلمان سحر سے افطار تک روزہ رکھتے ہیں۔ یہ عبادت صدیوں پرانی روحانی روایت کو جدید سائنسی تحقیق سے جوڑ دیتی ہے۔جاپان کے نوبیل انعام یافتہ ماہرِ حیاتیات یوشی نوری اوسومی نے ’’آٹو فَجی‘‘ کے راز سے پردہ اٹھایا۔ ا?ٹوفجی جسم کی وہ حیرت انگیز صلاحیت ہے جس میں خلیات اپنے اندر موجود خراب اور بوسیدہ حصوں کو توڑکر دوبارہ قابلِ استعمال توانائی میں بدل دیتے ہیں۔ گویا آپ کے خلیات ماہر باورچیوں کی طرح خراب اجزا کو نکال کر باہر کردیتے ہیں اور انہیں نئی توانائی میں ڈھال دیتے ہیں۔ اوسومی کے مطابق، آٹوفجی جسم کا ایک نہایت عمدہ صفائی کا نظام ہے، جو روزے کے دوران خلیوں کو مرمت اور تجدید کا موقع فراہم کرتا ہے۔ یوں رمضان اس قدرتی عمل کے لیے گویا تیس دن کا تربیتی کیمپ بن جاتا ہے۔ یہ فائدہ صرف روحانی نہیں بلکہ جسمانی بھی ہے۔ روزے کے دوران دماغی دھند کم ہوتی ہے اور توانائی میں ...

اسد مرزا بنگلہ دیش سے متوقع انتخابی نتائج آ چکے ہیں۔ الیکشن کمیشن نے 297 حلقوں کے انتخابی نتائج کا اعلان کردیا ہے، جس کے مطابق  بی این پی نے ۲۰۹ جبکہ جماعت اسلامی نے ۷۰ نشستیں حاصل کی ہیں۔ تاہم جماعت اسلامی کی صرف ۷۰ نشستوں پر فتح نے ا س کی مقبولیت پر نشان بھی لگایا ہے۔ بنگلہ دیش میں ہونے والے انتخابات نہ صرف ملک کے لیے بلکہ پورے خطے کے لیے اہم تھے۔ اس کے مرکز میں جماعت اسلامی (جے آئی) کی متوقع کارکردگی تھی۔ اسلام پسند جماعت نے 2024 میں سابق وزیر اعظم شیخ حسینہ کو معزول کرنے والی بغاوت کے دوران مظاہرین کے مطالبات سے ہم آہنگ ہونے کے بعد اہمیت حاصل کی تھی۔ شیخ حسینہ کی عوامی لیگ پارٹی، جس نے 15 سال حکومت کی تھی،  اس پران مظاہروں  کے بعد ملک کی  سیاسی سرگرمیوں میں حصہ لینے اور ۲۰۲۶ میں ہونے والے انتخابات پر پابندی لگادی گئی تھی۔ جماعت اسلامی نے انتخابات میں اتحاد کی قیادت کی جس میں نیشنل سٹیزن پارٹی (این سی پی) بھی شامل ہے، جسے نوجوان کارکنوں نے تشکیل دیا تھا  اور  حسینہ حکومت کو گرانے میں اہم کردار ادا کیا تھا۔ شکست کے باوجود، جماعت اسلامی نے اپنی اب تک کی...

عبدالغفارصدیقی اللہ کا احسان عظیم ہے کہ رمضان کریم کی آمد آمد ہے۔رمضان کے آنے پر مسلم محلوں اور مسلم آبادیوں کی چہل پہل میں اضافہ ہوجاتا ہے ۔بعض مقامات پرمساجد کی تزئین کاری بھی کی جاتی ہے ۔حفاظ قرآن سننے اور سنانے کی تیاری کرتے ہیں ،اہل مدارس حصول تعاون کے لیے سفر پر نکل جاتے ہیں،خواتین مصالحہ جات کوٹ چھان کر رکھ لیتی ہیں ۔یوٹیوب پر نئی نئی ڈشیز کی ویڈیو گردش کرنے لگتی ہیں۔بچے روزے رکھنے کا عزم کرتے ہیں ،قرآن پاک کی دھول ڈسٹ بھی صاف کرلی جاتی ہے،حسب ضرورت ان پر نئے جزدان چڑھائے جاتے ہیں ۔ماہ مبارک کی آمد پر خوشی کا اظہار کرنا ،مسکرا کر اس کا استقبال کرنا اور رمضان کا چاند دیکھ کر مبارکبادیوں کے پیغامات دینے میں کوئی حرج نہیں ۔لیکن کچھ ایسے سوال ہیں جن پر ہمیں غور کرنا چاہئے تاکہ رمضان سے پوری طرح مستفید ہوا جاسکے۔ احادیث کی کتابوں میں ماہ رمضان کے تعلق سے بہت سی احادیث بیان ہوئی ہیں جن میں اس کی عظمت و رفعت کا ذکر کیا گیا ہے ۔ مثال کے طور پراس کا پہلا عشرہ رحمت ،دوسرا مغفرت اور تیسرا جہنم سے نجات کا عشرہ ہے ،اس میں فرائض کا اجر ستر گنا بڑھا دیا جاتا ہے اور نفل کا اجر مثل فرض کے...

عفیف احسن ہندوستان کے موجودہ تناظر میں اکثر یہ غلط بیانی کی جاتی ہے کہ اسلام سے وفاداری اور وطن (ہندوستان) سے وفاداری دو متصادم جذبے ہیں۔ جبکہ حقیقت اس کے بالکل برعکس ہے، اسلامی تعلیمات اور ہندوستانی دستور دونوں ایک ایسا ڈھانچہ فراہم کرتے ہیں جہاں ایک شخص بیک وقت ایک بہترین مومن اور ایک مثالی محب وطن شہری بن کر زندگی گزار سکتا ہے۔ اسلامی روایت میں’’حب الوطن من الایمان‘‘ (وطن سے محبت ایمان کا حصہ ہے) ایک ایسی بنیاد ہے جو مومن کے کردار کو جلا بخشتی ہے۔ ایک ہندوستانی مسلمان کے لیے یہ ملک محض ایک جغرافیائی خطہ نہیں، بلکہ اس کے آباؤ اجداد کی سرزمین، اس کی تاریخ کا امین اور اس کے مستقبل کا ضامن ہے۔  اسلام سکھاتا ہے کہ جو انسانوں کا شکر گزار نہیں، وہ خدا کا بھی شکر گزار نہیں ہو سکتا۔ جس زمین کا ہم اناج کھاتے ہیں اور جہاں کی فضاؤں میں ہم سانس لیتے ہیں، اس کی ترقی کے لیے مخلص رہنا دراصل ایک دینی تقاضا ہے۔  ہندوستان صوفیاء اور اولیاء کی سرزمین ہے جنہوں نے یہاں کی کثیر الثقافتی مٹی میں انسانیت اور محبت کے بیج بوئے۔ ایک مسلمان کے لیے اپنے ملک کی مٹی سے لگاؤ اس کی روحانی شناخت کا حصہ ہ...

سلطان صدیقی بھارت میں مہنگائی نے ایک بار پھر تیزی پکڑ لی ہے اور اشیائے ضروریہ جیسے دال ،تیل،پیاز،دودھ ،ہری سبزیوں کے دام بڑھتے لگے ہیں ۔جو ایک عام آدمی کے لئے بڑی پریشانی کا اشو بن چکا ہے اور مہنگائی 1.08فیصد ایک ماہ کے اندر بڑھ چکی ہے ۔یہ اعداد وشمار بھارت سرکار کے کنزیومر انڈیکس کے ہیں لیکن اس سے بھی اگر حقیقت جانیں تو گزشتہ کئی ماہ سے مہنگائی مجموعی طور پر 14 فیصد بڑھ چکی ہے۔ خوردنی تیل جیسے سرسوں ،ریفائنڈ کے دام ایک ماہ پہلے جو تھے اس میں اضافہ ہو کر 130 روپے 950 ایم ایل سے بڑھ کر 145 روپے ہو گیا ہے اور اب پچھلے ہفتے میں یہ دام تیزی سے بڑھ رہے ہیں جو بوتل 165 روپے کی ملا کرتی تھی اب وہ 180 -185 روپے ہے ۔اب دالیں چاہے وہ کوئی بھی ہو 100 روپے سے پار ہو چکی ہیں ۔ارہر کی دال 160 روپے بک رہی ہے ۔ملکا مسور 140 روپے کلو ہے ۔اُرد اور لال مسور 100 سے 110 روپے فی کلو بک رہی ہیں ۔کھلا آٹا جو کبھی 26 یا 27 روپے تھا آج وہ 32 روپے فی کلو مل رہا ہے اور اس میں بھی اضافہ مل رہا ہے جو اچھی کوالٹی کا آٹا ہے وہ 42 روپے کلو تک ہے ۔برانڈ پیک آشیروار کنک وغیرہ کا پانچ کلو کا پیکٹ 260 سے 275 روپے تک ...

ڈاکٹر سدھیر کمار شکلا  ہندوستان کے چند ہی خطے ایسے ہیں جہاں ترقی، قومی سلامتی اور ماحولیاتی تحفظ کے پیچیدہ باہمی تعلقات اتنی واضح نظر آتے ہیں جتنے انڈمان و نکوبار جزائر میں۔ خلیج بنگال میں 800 کلومیٹر سے زیادہ پھیلا ہوا اور انڈونیشیا سے بمشکل 150 کلومیٹر کے فاصلے پر واقع یہ جزیرہ نما دنیا کے کچھ مصروف ترین سمندری گزرگاہوں کے قریب واقع ہے ، جس میں آبنائے ملاکا سے جڑے راستے بھی شامل ہیں، جس کے ذریعے عالمی تجارت اور توانائی کا ایک اہم حصہ گزرتا ہے ۔یہی وجہ ہے کہ یہ جزائر ہندوستان کی بدلتی ہوئی انڈو پیسفک حکمتِ عملی کے مرکز میں آ گئے ہیں۔اسی کے ساتھ یہ ملک کے سب سے زیادہ ماحولیاتی طور پر نازک خطوں میں شمار ہوتے ہیں۔ یہاں گھنے بارانی جنگلات، مینگرووز، مرجان (کورل) کی چٹانیں اور وہ مقامی قبائل آباد ہیں جو ہزاروں برس سے نسبتاً تنہائی میں زندگی گزار رہے ہیں۔حکومت کی بڑے پیمانے پر بنیادی ڈھانچے کی تعمیر، خصوصاً گریٹ نکوبار آئی لینڈ ڈیولپمنٹ پروجیکٹ، نے اسی لیے شدید بحث کو جنم دیا ہے ۔اصل سوال یہ نہیں کہ ترقی یا سلامتی ضروری ہے یا نہیں، بلکہ یہ ہے کہ کیا اسٹریٹجک مقاصد کو ماحولیات اور سماجی ...

 ظفر اقبال اکیسویں صدی انسانی تاریخ کا وہ دور ہے جس میں ٹیکنالوجی، صنعت اور معیشت نے غیر معمولی ترقی کی ہے ۔ مصنوعی ذہانت سے لے کر جینیاتی انجینئرنگ تک انسان نے فطرت کے کئی رازوں کو سمجھنے اور انہیں اپنی سہولت کے لیے استعمال کرنے میں کامیابی حاصل کی ہے ۔ مگر اس ترقی کی ایک قیمت بھی ہے ۔ صنعتی انقلاب کے بعد سے پیدا ہونے والی بے شمار مصنوعی اشیا میں پلاسٹک سب سے زیادہ ہمہ گیر اور اثرانداز ایجاد ثابت ہوئی ہے ۔ پلاسٹک نے انسانی زندگی کو آسان بنایا، اشیاء کو محفوظ رکھا، خوراک کو دیرپا کیا، طبّی شعبے میں انقلابی سہولتیں فراہم کیں اور صنعتوں کو کم لاگت اور زیادہ پیداوار کے قابل بنایا۔ مگر آج یہی پلاسٹک ماحولیاتی بحران کی علامت بن چکا ہے ۔ پلاسٹک کی سب سے بڑی خصوصیت اس کی پائیداری ہے اور یہی خصوصیت اب ایک خطرناک خامی میں تبدیل ہو چکی ہے ۔ روایتی پلاسٹک قدرتی طور پر گلنے سڑنے میں 20 سے 500 سال تک لے سکتا ہے ۔ اس دوران یہ ٹوٹتا، بکھرتا اور چھوٹے ذرات میں تقسیم ہوتا رہتا ہے ، جنہیں ہم مائیکرو پلاسٹکس کہتے ہیں۔ یہ مائیکرو پلاسٹکس اب ہماری خوراک، پانی، مٹی اور حتیٰ کہ فضا میں بھی شامل ہو چکے ہی...

سلطان صدیقی دیش کی راجدھانی دہلی میں بھارت منڈپم میں پیر کی شام انڈیا اے آئی امپیکٹ ایکسپو سمٹ کا افتتاح وزیراعظم نریندر مودی نے کر دیا ہے اس میں نمائش بھی لگائی گئی ہے جس میں 13 ملک شامل ہیں ۔سمٹ کے آغاز سے پہلے وزیراعظم نے سوشل میڈیا پلیٹ فارم ایکس پر اے آئی سمٹ کو لے کر پوری دنیا کے لئے سندیش دیا ہے ۔انہوں نے لکھا ہے AIپر غور وخوض کے لئے دنیا کو ایک ساتھ لانا ہے ۔سمٹ کی میزبانی بھارت کررہا ہے ۔دنیا بھر کے 15 ملکوں کے سربراہان مملکت اور 50 سے زیادہ ملکوں کے صنعتی و دیگر اے آئی سے تعلق رکھنے والے نمائندے شامل ہورہے ہیں ۔یہ سمٹ 16 فروری سے 19 فروری 2026 تک چلے گی اس کی تھیم ہے سروجن ہتائے سروجن سکھائے اور سبھی کے لئے کلیان سبھی کے لئے خوشی ۔جو ہیومن سنٹرک پروگریس کے لئے اے آئی کے استعمال کرنے کے ہمارے عہد کی یاد دلاتا ہے۔وزیراعظم نے آگے لکھا ہے اے آئی آج ہیلتھ کیئر ،ایجوکیشن ،ایگریکلچر ، گورننس انٹرپرائزز جیسے کئی سیکٹروں میں تبدیلی لارہا ہے ۔اے آئی امپیکٹ سمٹ کے الگ الگ پہلوؤں جیسے انوینشن ، تال میل ،ذمہ داری سے استعمال اور بہت کچھ زیادہ اور بہت کچھ پر دنیا بھر سے بات چیت کو...

اسد مرزا اسرائیل مغربی کنارے میں اپنی توسیع پسندانہ پالیسی کو بلا روک ٹوک جاری رکھے ہوئے ہے۔ امریکہ، اقوام متحدہ اور کئی عرب ریاستوں نے اسرائیل کو تنقید کا نشانہ بنایا ہے کیونکہ وہ مقبوضہ مغربی کنارے میں یہودی اسرائیلیوں کو براہ راست مغربی کنارے کی زمین خریدنے کی اجازت دے کر، اور ان علاقوں پر زیادہ اسرائیلی کنٹرول بڑھاکر فلسطینی اتھارٹی  کے کنٹرول کم کرنا ہے۔ وائٹ ہاؤس کے ایک اہلکار نے اسرائیل کے مغربی کنارے کے الحاق کے خلاف ڈونلڈ ٹرمپ کی مخالفت کا اعادہ کیا ہے، اسرائیلی منصوبوں کے اعلان کے بعد جو مقبوضہ فلسطینی علاقے میں مزید بستیوں کی  تعمیر کی راہ ہموار کریں گے۔ اتوار (8 فروری) کو اعلان کردہ اقدامات میں، یہودی اسرائیلیوں کو مغربی کنارے کی زمین براہ راست خریدنے کی اجازت دینا، اور ان علاقوں پر زیادہ اسرائیلی کنٹرول کو بڑھانا شامل ہے جہاں فلسطینی اتھارٹی طاقت کا استعمال کرتی ہے۔ یہ ابھی تک واضح نہیں ہے کہ اسرائیل کی سیکیورٹی کابینہ کی طرف سے منظور کیے گئے نئے قوانین کب نافذ العمل ہوں گے لیکن انہیں مزید منظوری کی ضرورت نہیں ہے۔ جہاں ایک جانب  علاقائی ممالک اور دیگر عالمی ...